Վերադառնալու պատրաստակամությամբ ՀՅԴ կամավորականները մեկնեցին
Ապրիլյան պատերազմի առաջին իսկ օրերից Արցախ ժամանած Հայ Յեղափոխական Դաշնակցության կամավորականներն այսօր ճանապարհվեցին Հայաստանի Հանրապետություն։
ՀՅԴ կառույցի անդամները՝ ավագից երիտասարդ, օրհասական պահին եկել էին Արցախ՝ մարտական գործողությունների ամենաթեժ վայրերում ապահովելու հայկական երկու պետությունների ազգաբնակչության եւ պետականության անվտանգությունը:
Հայ զինվորի կողքին կանգնելով, համախմբվածությամբ հակառակորդի նախահարձակ վարքին համարժեք պատասխան տալով՝ նրանք եւս միացան Ադրբեջանին լռեցնելու գործին: Նրանք այսօր ճանապարհվեցին իրենց օջախները՝ չմոռանալով, որ դիրքերից է սկսվում յուրաքանչյուրի օջախը:
Կուսակցությունը, ինչպես բոլոր ժամանակներում, այսօր եւս շարունակելու է դրոշակակիրը մնալ հայ ժողովրդի ազգային պայքարի։
