Երթ խոնարհումի և հպարտության
ՀՅԴ Արցախի երիտասարդական միությունը սույն թվականի փետրվարի 13֊ին, ժամը՝ 19։00֊ին կազմակերպում է ճրագներով երթ:
Ստորև ներկայացնում ենք ՀՅԴ Արցախի երիտսարդական միության հայտարարությունը.
«Սիրելի հայրենակիցներ,
կազմակերպությամբ ՀՅԴ Արցախի երիտասարդական միության, սույն թվականի փետրվարի 13֊ին, տեղի կունենա ճրագներով երթ։
Այն կմեկնարկի ժամը 19։00֊ին` Ստեփանակերտի Սուրբ Հակոբ եկեղեցու բակից և կշարժվի դեպի Վերածննդի հրապարակ, այնուհետև` Եղբայրական հուշահամալիր։
Բոլորին հրավիրում ենք իրենց մասնակցությամբ ևս մեկ անգամ գլուխ խոնարհել արցախյան գոյապայքարի զոհասեղանին իրենց կյանքը զոհած բոլոր հայորդիների սուրբ հիշատակի առջև։
Փա՜ռք հերոսական մեր հայրենիքի անձնվեր ու քաջակորով սպաներին, փա՜ռք երկրի ազատության ու անկախության համար իրենց կյանքը նվիրաբերած մարտիրոսներին, փա՜ռք հայ ժողովրդին։
Հ․Գ․ Ձեզ հետ կարող եք ունենալ ճրագներ/լույսեր և ՀՀ և ԱՀ պետական դրոշներ։
Քայլերթի մեկնարկի ժամանակ բաժանվելու են ճրագներ։
Հարգանքներով՝ ՀՅԴ Արցախի երիտասարդական միություն»: