«Երգող Արցախ» երգչախմբային ծրագիր արցախցի երեխաների համար

Շուշիի «Վարանդա» երգչախմբի հիմնադիր, գեղարվեստական ղեկավար, Համազգային հայ կրթական եւ մշակութային միության ատենապետ Զաքար Քեշիշյանը Մայր Հայաստանում կազմակերպելու է «Երգող Արցախ» երգչախմբային ծրագիրը, որին կարող են մասնակցել 9-14 տարեկան արցախցի ձայնեղ երեխաներ։

Ծրագիրը կիրականացվի Կոտայքի մարզի Աբովյան քաղաքում եւ քաղաքամայր Երևանում։ Նախատեսվում է ծրագիրն իրականացնել նաեւ Մասիսի շրջանում։

Բոլոր այն արցախցի երեխաները, ովքեր կցանկանան անդամագրվել, կարող են լրացնել հայտադիմումը https://forms.gle/bEhNeSkAfP17evZFA Ծրագիրը կիրականացվի ս.թ. հուլիսի 20-ից մինչև օգոստոսի 31-ը։

Համերգներ կլինեն նաեւ սեպտեմբեր ամսին։

Դաստիարակիչ ծրագիրն ընդգրկում է նաեւ երեխաների մշակութային կազմավորմանը նպաստող այցելություններ՝ համերգներ, թանգարաններ եւ թատրոններ։

Մասնակցությունն անվճար է։

Պարապմունքների վայրերի եւ ժամերի մասին կտրվեն լրացուցիչ տեղեկություններ։