Թուրք-ադրբեջանական տանդեմի հետ Փաշինյանը թաղում է Արցախյան հարցը. Գեղամ Մանուկյան

Երեկվանից ռուսական տելեգրամյան ալիքները գրում են այն մասին, որ հրապարակել են փաստաթուղթ, որի շուրջ սեպտեմբերի 27-ին Վաշինգտոնում բանակցել և ստացել են ՀՀ ԱԽ քարտուղար Արմեն Գրիգորյանը Ալիևի օգնական Հիքմեթ Գաջիևի հետ։ Աղբյուրը պնդում է, որ հենց այս փաստաթուղթն է դարձել Պրահայում Փաշինյան-Ալիև-Էրդողան զրույցների հիմնական թեման։

Yerevan.Today-ի հետ զրույցում «Հայաստան» խմբակցության պատգամավոր Գեղամ Մանուկյանն, անդրադառնալով փաստաթղթին, ասաց.

«Հրապարակված փաստաթղթի հավաստիության, ոչ հավաստիության մասին մեկ օր շարունակ իշխանությունները լռում են, և ենթադրելի է, որ ուղղակի իրական փաստաթղթի նախագիծն է, որ բացահայտվել է»:

Ինչ վերաբերում է իշխանական պատգամավորների հայտարարություններին, թե Հայաստանը չի կարող ապահովել արցախահայության անվտանգությունը և այն մասին, որ Սյունիքի այն հատվածները, որտեղ ադրբեջանական հենակետեր կան, հայկական չեն, պատգամավորն ընդգծում է.

«Սա վկայում է մեկ բան՝ իշխանությունն այն, ինչ զգուշացնում էինք, ինչի մասին բղավում էինք, որ այս իշխանությունը ձեռքերը լվացել է Արցախի ինքնորոշման իրավունքի պաշտպանության, արցախահայության իրավուքնների պաշտպանության գործից, այսօր թուրք-ադրբեջանական տանդեմի հետ Նիկոլ Փաշինյանը հավասարազոր թաղում է ամբողջ Արցախյան հարցը, արցախահայության իրավունքները ոտնատակ է տալիս»:

yerevan.today