Ռուբեն Վարդանյանը հանդիպել է ԱՀ նախկին նախագահներ Բակո Սահակյանին և Արկադի Ղուկասյանի հետ

Ռուբեն Վարդանյանը հանդիպել է ԱՀ նախկին նախագահներ Բակո Սահակյանին և Արկադի Ղուկասյանի հետ: Այս մասին տեղեկանում ենք նրա ֆեյսբուքյան էջում կատարված գրառումից:

«Ստեփանակերտում այսօր հանդիպեցի Արցախի Հանրապետության նախկին նախագահներ Արկադի Ղուկասյանի և Բակո Սահակյանի հետ: Օրակարգում մեր հայրենիքին սպառնացող վտանգների, աշխարհաքաղաքական մարտահրավերների, անվտանգության ապահովման, Արցախը հայկական պահելու ու զարգացնելու հարցերն էին:

Ինձ համար շատ կարևոր էր լսել նախագահների կարծիքը, իրավիճակից դուրս գալու ելքերի վերաբերյալ նրանց մոտեցումները: Մենք համոզված ենք, որ նման մասշտաբի մարտահրավերներին դիմակայելու միակ հնարավորությունը բոլորիս համախմբումն է ու ողջ հայության ներուժի լիարժեք օգտագործումը»,-նշված էր գրառման մեջ: