Պաշտպանական բանակը ուշադիր հետևում է ադրբեջանական կողմի բոլոր շարժերին. կուտակումների մասին տեղեկությունը կեղծ է
Արցախի Հանրապետության անվտանգության խորհուրդը հայտնում է, որ շփման գծի ողջ երկայնքով կուտակումների մասին տեղեկությունները չեն համապատասխանում իրականությանը՝ նշելով, որ թշնամին շարունակում է ապատեղեկատվություն տարածել:
Ադրբեջանական կողմից կեղծ լուրերի տարածումը նպատակ ունի խուճապ առաջացնելու ազգաբնակչության շրջանում: Արցախի Անվտանգության խորհուրդը վստահեցնում է, որ Պաշտպանության բանակն իրականացնում է իր առջև դրված խնդիրները՝ համաձայն նախօրոք հաստատված պլանների։
«ՊԲ–ն ուշադիր հետևում է ադրբեջանական կողմի բոլոր շարժերին, և շփման գծի ողջ երկայնքով կուտակումների մասին տեղեկությունները չեն համապատասխանում իրականությանը:
Արցախի ԱԽ-ն հորդորում է քաղաքացիներին՝ զերծ մնալ ապատեղեկատվություն տարածելուց և հետևել միայն պաշտոնական լրատվությանը»:
yerkirmedia.am