Նորաբույս «կոթողը» տեղադրվել է կանոնակարգերի, համապատասխան գերատեսչությունների ընթացակարգերի անտեսմամբ

Երևանի պետական համալսարանի Պատմության ֆակուլտետի Մշակութաբանության ամբիոնի վարիչ, պատմական գիտությունների դոկտոր, պրոֆեսոր Համլետ Պետրոսյանն իր ֆեյսբուքյան էջում անդրադարձել է Ստեփանակերտի «Մենք ենք մեր սարերը» համալիրի տարածքում տեղադրված «Արցախի բանալուն».

«Բարեկամներ,

ի պատասխան վերջին օրերին ինձ ուղված պաշտոնական, հանրային և անձնական հարցումների` Ստեփանակերտի «Մենք ենք մեր սարերը» համալիրի տարածքում տեղադրված «կոթողի» վերաբերյալ, հարկ եմ համարում հայտարարել.

«Մենք ենք մեր սարերը» համալիրըհենց համալիրը արձանախումբն ու բարձունքը, որի վրա այն տեղադրված է, ավելի քան կես դար է, ինչ հանդիսանում է Արցախի և արցախահայության ամենընդունված, պաշտելի, ամենահայտնի և «թիվ մեկ» խորհրդանիշը: Այն բնական-մշակութային միասնական ու կատարյալ մի լանդշաֆտ է, որի ցանկացած փոփոխություն, հավելում կամ լրացում աղավաղում է արդեն կայացած կերպարն ու ընկալումը:
Այդ տարածքում ընդունելի չէ որևէ նորամուծություն` անկախ նրա ճարտարապետական, գեղարվեստական կամ ագգային արժանիքի, արժեվորման կամ մեկնաբանության:
Նորաբույս «կոթողը» որևէ առնչություն չունի հայ մշակույթի պատմական, ավանդական, այժմեական կամ խորհրդանշական որևէ դրսևորման հետ: Այն անհասկանալի, հանդուգն, խեղաթյուրող անհատական կամ խմբակային նախաձեռնություն էենթակա ժխտման անկախ թե հայ հողի վրա որտեղ և ինչ նպատակով կարող է կանգնեցվել:
Երկրի նման օրհասական պայմաններում ես այն համարում եմ հակահայ, հակամարդկային, հոգեբանական տրավմա պատճառող նախաձեռնություն:
Ինչքան հասկանում եմ, այն կանգնեցվել է Արցախի օրենքների և կանոնակարգերի, համապատասխան գերատեսչությունների ընթացակարգերի անտեսմամբ, և միանշանակ պետք է ապմոնտաժվի և հեռացվի»։