Միայն կանայք մնացին՝ ապրելու համար…

Անահիտ Գրիգորյանը ծնվել է Արցախի Ասկերանի շրջանի Սարուշեն գյուղում: Ստեփանակերտում մանկավարժական կրթություն ստանալուց հետո վերադարձել է հայրենի գյուղ և սիրելի Գենադիի հետ ընտանիք կազմել:

Երիտասարդների բոլոր երազանքները կապված էին գյուղի և հայրենի հողի հետ: 2020 թվականի պատերազմը խամրեցրեց այդ երազանքների բոլոր գույները, բայց չհուսահատեցրեց Անահիտին ու Գենադիին: Նրանք մնացին Սարուշենում մինչև ողբերգական 2023 թվականը:

26-ամյա Անահիտը պատմում է փրկության միակ ճանապարհի, իր ընտանիքի սարսափելի կորուստների և կյանքի անբացատրելի ուժի մասին, որ ունեն իր ընտանիքի կանայք, որոնց պատերազմը մենակ է թողել: