Միասնական քննություններ. ֆոտոռեպորտաժ

Այսօր՝ հուլիսի 6-ին, Հանրապետությունում մեկնարկել և ընթանում են միասնական քննությունները մաթեմատիկա առարկայից:

ԱՀ ԿԳՄ նախարարության գնահատման և թեստավորման կենտրոնի տնօրեն Յուրի Քարամյանի հաղորդմամբ, մաթեմատիկա առարկայից միասնական քննությանը՝ մասնակցելու հայտ ներկայացրած 305 դիմորդից, բացակայում է 12-ը:

Միասնական քննություններն ընթանում են Ստեփանակերտում ստեղծված 6 քննական կենտրոններում:

Յուրաքանչյուր քննությունից առաջ, ձեռնարկվում են հակահամաճարակային կանխարգելիչ միջոցառումներ:

Քննություն հանձնողներին տրամադրվում են պաշտպանիչ ձեռնոցներ, գրիչներ:

Բացի այդ, մասնավորապես՝ մաթեմատիկա առարկայի միասնական քննության դեպքում, դիմորդներին թույլատրվում է ձեռքի տակ ունենալ նաև հաշվիչներ:

Հարազատները քննության ընթացքին կարող են հետևել դրսում տեղակայված համակարգչային էկրանների միջոցով:

Ինչպես պարզաբանել են քննակենտրոնների ղեկավարները, ըստ գործող կարգի՝ քննության ընթացքում, բացի քննասենյակում տեղադրված տեսանկարահանող սարքերից, այլ նկարահանումները ներսում արգելվում են:

Վան Նովիկով