«Մաթեմատիկայի կապը տնտեսագիտության հետ» թեմայով աշխատաժողով Գրիգոր Նարեկացի համալսարանում
Մարտի 15-ին Գրիգոր Նարեկացի համալսարանի «Հեռավար SMART» դասասենյակում տեղի է ունեցել «Մաթեմատիկայի կապը տնտեսագիտության հետ» թեմայով աշխատաժողով: Աշխատաժողովին մասնակցում են Գր. Նարեկացի համալսարանի ուսանողներ, դպրոցների ուսուցիչներ, աշակերտներ, ովքեր հակում ունեն մաթեմատիկայի հանդեպ:
Տեխնիկական գիտությունների թեկնածու, համալսարանի բնագիտական ամբիոնի դոցենտ Գեղամ Միքայելյանը «Ապառաժ»-ի հետ զրույցում նշել է, որ աշխատաժողովի նպատակը տնտեսության օպտիմալացումը, տնտեսագիտության մոդելավորման խնդիրներն են:
«Պետք է բնական գիտություններին, հատկապես մաթեմատիկային զարկ տանք Արցախում, որպեսզի մեր ապագա սերունդը ավելի պատրաստված լինի: Մաթեմատիկան սերտորեն կապված է տնտեսության ճյուղերի՝ ռազմարդյուանբերության զարգացման, անվտանգության ապահովման հետ»,- նշել է Գեղամ Միքայելյանը՝ ավելացնելով, որ այդտեղ ստացած գիտելիքներն օգտակար են տնտեսության տարբեր ճյուղերում:
Ծրագրի նախաձեռնողները նման աշխատաժողովներ շարունակական են դարձնելու:
