«Մանկության երանգներ» խորագրով ցուցահանդես՝ Պոլ էլյուարի տուն ֆրանկոֆոնիայի կենտրոնում

Համազգային հայ կրթական և մշակութային միության Արցախի գրասենյակը հայտնում է, որ հունիսի 30-ին՝ ժամը 11:00-ին, Պոլ էլյուարի տուն ֆրանկոֆոնիայի կենտրոնում տեղի կունենա «Մանկության երանգներ» խորագրով ցուցահանդես:

«Մանկության երանգներ» ցուցահանդեսը կկայանա Համազգային հայ կրթական և մշակութային միության Արցախի գրասենյակի նախաձեռնությամբ՝ Արցախում կազմակերպվող
«Ապրելու ձայնը» գրական-մշակութային օրերի շրջանակում:

Ցուցահանդեսին ներկայացված են լինելու Համազգային հայ կրթական և մշակութային միության Արցախի գրասենյակի կողմից կյանքի կոչված նկարչության և «Հմուտ ձեռքեր» դասընթացներին մասնակից մանուկների աշխատանքները:

Ներկայացված կլինեն երեխաների՝ ինչպես 44-օրյա պատերազմի օրերի, այնպես էլ պատերազմից հետո արված աշխատանքները:

Այս ցուցահանդեսը նրանց երրորդ ցուցահանդեսը կլինի:

Եկեք ծանոթանալու մեր մանուկների մանկության երանգներին:

Մուտքն ազատ է: