ՀՅԴ Հայ դատի Արցախի հանձնախումբը գումարեց իր անդրանիկ նիստը
Այսօր՝ հոկտեմբերի 22-ին, Արցախի «Նիկոլ Դուման» կենտրոնում տեղի ունեցավ ՀՅԴ Հայ դատի Արցախի հանձնախմբի անդրանիկ նիստը: Նիստին մասնակցում էին Արցախի գրասենյակի պատասխանատու Գեորգի Պետրոսյանը, Սերգեյ Շահվերդյանը, Մելանյա Բալայանը, Լեռնիկ Հովհաննիսյանը և Արա Պուլուզյանը:
Մի շարք կազմակերպական հարցերի քննարկումից հետո հանձնախումբը առաջիկա վեցամսյա գործունեության ծրագրին անդրադառնալով՝ ճշտեց կազմակերպական, քաղաքական-հարաբերական և քարոզչական մի շարք առանցքներ, որոնց շուրջ առաջիկա ամիսներին իր գործունեությունն է ծավալելու Արցախի գրասենյակը:
Նիստի ընթացքում խոսվեց նաև Արցախի շուրջ ծավալվող քաղաքական գործընթացների մասին, և դրանց կապակցությամբ առաջարկներ տրվեցին ՀՅԴ Հայ դատի կենտրնական գրասենյակին:
ՀՅԴ Հայ դատի Արցախի գրասենյակ