Հորդորում ենք բոլորին մասնակցել այսօրվա հավաքին՝ ժամը 17:00-ին՝ կառավարության շենքի առջև․ Արցախցիների իրավունքների պաշտպանության խորհուրդ

Սիրելի՛ հայրենակիցներ, ՀՀ կառավարությունից հրավիրել են Արցախցիների իրավունքների պաշտպանության խորհրդի ներկայացուցիչներին՝ այսօր հանդիպելու փոխվարչապետ Տիգրան Խաչատրյանի հետ և քննարկելու մեր պահանջները:

Դրա առթիվ՝ ժամը 17:00-ին տեղի է ունենալու ինքնաբուխ հավաք կառավարության առջև՝ հանրայնորեն վերահաստատելու մեր պահանջները: Հանդիպման ավարտից հետո Խորհրդի ներկայացուցիչները դուրս կգան և կիրազեկեն հավաքի մասնակիցներին բանակցությունների արդյունքների վերաբերյալ:

Ուստի, հորդորում ենք բոլորին մասնակցել հավաքին՝ ժամը 17:00-ին՝ կառավարության շենքի առջև:

ՄԻԱՍԻՆ՝ ՀԱՆՈՒՆ ՄԵՐ ԻՐԱՎՈՒՆՔՆԵՐԻ: Արցախցիների իրավունքների պաշտպանության խորհուրդ

Այսօր առավոտյան նաեւ մի խումբ արցախցիներ հավաքվել են ՀՀ կառավարության շենքի մոտ՝ պահանջելով վերանայել աջակցության ծրագրերը։