ՀՄԸՄ Արցախը պաշտոնապես գրանցվել է Հայաստանում
Հայ Մարմնակրթական Ընդհանուր Միությունը (ՀՄԸՄ) մուտք գործեց Արցախի Հանրապետություն՝ նպաստելով ազգային ու երիտասարդական արժեքների տարածմանն ու ամրապնդմանը։ Ժամանակի ընթացքում միության աշխատանքները կարճ ժամանակով դադարեցին, սակայն 2019 թվականին պաշտոնական ՀՄԸՄ-ն նոր թափով վերադարձրեց իր ներկայությունը՝ Արցախում։
Նոր իրողությունների պայմաններում՝ ՀՄԸՄ Արցախի Մեկուսի վարչությունը վերսկսել է իր գործունեությունը Հայաստանի Հանրապետությունում՝ նպատակ ունենալով համախմբել Հայաստանի տարբեր մարզերում և Երևանում բնակվող արցախցի պատանիներին ու երիտասարդներին։ Կազմակերպության հիմնական նպատակներից է ձևավորել միասնական գաղափարական հենք՝ հիմնված հայրենաճանաչության, պայքարի ոգու պահպանման, արցախյան բարբառի և մշակույթի առանձնահատկությունների փոխանցման վրա։ Այս ամենի առանցքում շարունակվում է մնալ կարևորագույն նպատակը՝ վերադարձ Արցախ։
Վերջերս ՀՄԸՄ Արցախը մեծ առաջընթաց է գրանցել՝ պաշտոնապես գրանցվելով որպես հասարակական կազմակերպություն Հայաստանում։ Այս քայլը նոր հնարավորություններ է ստեղծում կառույցի զարգացման և գործունեության ընդլայնման համար։
Գրանցման շնորհիվ, արդեն որպես Արցախի Հայ Մարմնակրթական Ընդհանուր Միություն ՀԿ-ն կարող է առավել հաստատուն հիմքով գործել Հայաստանում,ընդլայնել իր ծրագրերն ուհամագործակցությունները՝ հատկապես ՀՄԸՄ Հայաստանի Կենտրոնական Վարչության (ՀԱՍԿ) հետ։
ՀՄԸՄ Արցախի Վարչության աշխատանքային ծրագրում առաջնահերթությունն է տեղահանված արցախցի պատանիների հետ աշխատելը, ինչպես նաև պատրաստել աշխատասեր, արի, ազգասեր եւ հայրենասեր, օրինապահ, սերունդ։
ՀՄԸՄ Արցախի Վարչություն