Հայաստանի շուրջն օղակը գնալով սեղմվում է․ Արմեն Ռուստամյան
Հայաստանի շուրջն օղակը գնալով սեղմվում է։ Մենք հայտնվել ենք մեր պատմական վերջին ժամանակաշրջանում, լուրջ մարտահրավերներով լեցուն մի միջավայրում, երբ թուրք-ադրբեջանական տանդեմն անթաքույց հստակ հայտարարում է, թե ինչի է ձգտելու, որոնք են իր կենսական շահերը, և դրանք ուղղակիորեն հակասում են ՀՀ կենսական և ռազմավարական շահերին։ Այս մասին ԱԺ ամբիոնից ասաց «Հայաստան» խմբակցության պատգամավոր Արմեն Ռուստամյանը։
«Ակնհայտ մարտահրավեր է նետված, և այդ մարտահրավերը մենք կա՛մ անտեսում ենք, կա՛մ ոչ ադեկվատ օրակարգերով զբաղվում։ Այն օրակարգը, որ հիմա ենք քննարկում, բացարձակապես կապ չունի իրական մարտահրավերների հետ։ Մեզ մնում է մեկ շանս՝ կա՛մ խորհրդարանում արձանագրում ենք մեր կարմիր գծերը, մեր հայեցակարգը, կա՛մ դա կատարվելու է խորհրդարանից դուրս»,- ասաց Ռուստամյանը։
yerkir.am