Հայաստանի եւ Ադրբեջանի սահմանին տեղի ունեցած միջադեպը կապված չէ Ղարաբաղի հետ. Պուտին

Հայաստանի եւ Ադրբեջանի սահմանին տեղի ունեցած միջադեպը ոչ մի կապ չունի Ղարաբաղի հետ: Այդ մասին հայտարարել է ՌԴ նախագահ Վլադիմիր Պուտինը Սամարղանդում ՇՀԿ գագաթնաժողովի շրջանակներում մամուլի հետ հանդիպման ժամանակ- գրում է ՌԻԱ Նովոստին։

«Սահմանային վերջին միջադեպը Ղարաբաղի հետ ընդհանրապես կապ չունի, դա բոլորովին այլ տարածաշրջանում է՝ Հայաստանի և Ադրբեջանի սահմանին», — ասել է Պուտինը։

Հիշեցնենք, որ սեպտեմբերի 13-ի կեսգիշերին Ադրբեջանի ԶՈՒ ստորաբաժանումները հրետանային միջոցների, ականանետերի, ԱԹՍ-ների, խոշոր տրամաչափի հրաձգային զինատեսակների կիրառմամբ ինտենսիվ կրակ են բացել հայ-ադրբեջանական սահմանի միանգամից մի քանի հատվածում տեղակայված հայկական դիրքերի ուղղությամբ, մասնավորապես հրետակոծման են ենթարկվել Սոթքի, Վարդենիսի, Գորիսի, Կապանի, Արտանիշի և Իշխանասարի ուղղությամբ տեղակայված դիրքերը, հարվածներ են հասցվել նաև քաղաքացիական ենթակառուցվածքներին։ Պաշտոնական տվյալներով՝ ներկա պահին հայկական կողմն ունի 135 զոհ։

yerkir.am