Էրիկ Հովսեփյան․ Հայրենիքի նվիրյալ զինվորը
Նրանք պայքարեցին, զոհվեցին, որ մենք մեր հողում ապրենք արժանապատիվ․․․ Մնացին Արցախում, հավերժ փարված սրբացած հողին․․․ Ծնողներն այսօր Եռաբլուրում նրանց են փնտրում․․․
«… Եվ այս բազմահազարանոց սրբավայրում անգամ Քեզ չգտա…. Խելագարի նման այս ու այն կողմ էի գնում, որ… Կներես, Էրիկս…. կներես, որ Քեզ մենակ թողեցինք․․․ Դե հիմա ինձ ասա, որտե՞ղ ծաղիկներ դնեմ, որտեղ լացեմ, ու՞մ պատմեմ ցավս․․․ Ատում եմ քեզ աշուն… ամբողջ հոգով, սրտով, որ ինձ դարձրիր քամուց քշված տերև…»,- գրում է Էրիկի Մայրը։
2020 թվականին Էրիկը ժամկետային ծառայող էր, երբ Ադրբեջանն Արցախի դեմ սկսեց պատերազմ, Հոկտեմբերի 2-ին տարածվեց Էրիկի զոհվելու լուրը, նա անմահացավ Մարտակերտի շրջանում։