Այսօր արցախյան ազատամարտի նվիրյալ Վիգեն Գրիգորյանի ծննդյան օրն է

Վիգեն Գրիգորյանը ծնվել և հասակ է առել Արցախի Հադրութի շրջանի Տող գյուղում: Ստացել է մանկավարժական կրթություն և երկար տարիներ դասավանդել Տողում ու Հադրութի շրջանի այլ գյուղերում: Ինչպես փաստում են ընկերները՝ վճռական էր, խելացի, հավասարակշռված, հայրենասեր, իսկական առաջնորդ ու ոգևորող:

1988թ.-ին ստեղծել է «Վրեժ» հայդուկային ջոկատը: Ապրելով Տող գյուղում՝ մասնակցել է ողջ շրջանի ու ամբողջ Արցախի ինքնապաշտպանական ու ազատագրական մարտերին: Մասնակցել է Հադրութի (Տող, Սարինշեն, Հողեր, Ծամձոր և այլն), Ասկերանի (Խոջալու), Ֆիզուլիի շրջանների մարտերին: 1991թ. դեկտեմբերի 28-ին Տողի թիվ 36 ընտրատարածքից ընտրվել է ԼՂՀ առաջին գումարման Գերագույն խորհրդի պատգամավոր:

Զոհվել է 1993թ. ապրիլի 5-ին,  մարմինն ամփոփված է հայրենի գյուղում: