Այս դժվար պահին Արցախի կողմից զորակցություն ենք հայտնում մեր հայրենակիցներին
Անակնկալ կերպով տեղեկացանք Լիբանանում տեղի ունեցած հզոր պայթյունի մասին, որի հետեւանքով նյութական մեծ վնաս է կրել Լիբանանի հայկական համայնքը, մասնավորապես՝ հայահոծ Բուրջ Համուդը։ Այս մասին ֆեյսբուքյան էջում գրառում է կատարել ՀՅԴ Արցախի Կենտրոնական կոմիտեի ներկայացուցիչ Դավիթ Իշխանյանը:
«Անմիջապես հեռախոսազրույց եմ ունեցել Լիբանանի կուսակցական եւ համայնքային պատասխանատու ընկերների հետ եւ այս դժվար պահին Արցախի կողմից զորակցություն հայտնել մեր հայրենակիցներին՝ շուտափույթ ապաքինում մաղթելով բոլոր վիրավորներին»,- գրել է Դավիթ Իշխանյանը։