Աշխատանքից ազատվել է Աշոտ Սիմոնյանին ծեծող կարմիր բերետավորներից մեկը

Պատգամավոր Աշոտ Սիմոնյանի նկատմամբ բռնություն կիրառած ոստիկանության ծառայողի լիազորությունները դադարեցվել են։ Այս մասին հայտնում են ՀՀ ներքին գործերի նախարարությունից։

Մայիսի 27-ին մայրաքաղաքի Հանրապետության փողոցում ԱԺ պատգամավորի և ոստիկանների միջև տեղի ունեցած միջադեպի առնչությամբ ՆԳՆ ներքին անվտանգության և հակակոռուպցիոն վարչությունում նշանակվել էր ծառայողական քննություն, ինչի արդյունքում դադարեցվել են ոստիկանության ծառայողի լիազորությունները։

«Հրապարակի» տեղեկություններով աշխատանքից ազատվել է Աշոտ Սիմոնյանին ծեծող կարմիր բերետավորներից մեկը։ Վերջինս Գեւորգ Մկրտչյանն է: Նա Կարմիր բերետների գումարտակում վաշտի հրամանատար է:

Հիշեցնենք՝ ավելի վաղ հաղորդվել էր, որ ոստիկաններն, ուժ կիրառելով, ՀՅԴ ԳՄ շենքի մոտից բերման են ենթարկել պատգամավոր Աշոտ Սիմոնյանին։

yerkir.am