Արծիվ Լալայանի գեղանկարների ցուցահանդեսը՝ «Նարեկացի» արվեստի միությունում

Երևան քաղաքի «Նարեկացի» արվեստի միությունում մեկնարկել է արցախցի նկարիչ Արծիվ Լալայանի գեղանկարների ցուցահանդեսը։ Կրկնակի տեղահանված նկարչին հաջողվել է 2023-ի սեպտեմբերին Արցախից դուրս հանել իր և կնոոջ՝ նկարչուհի Տաթև Ամիրջանյանի հեղինակային որոշ նկարներ՝ մտածելով, որ գոնե այս անգամ կարող է փրկել նորաստեղծ գործերը։ Հադրութի Մեծ Թաղեր գյուղում են մնացել նրանց տարբեր չափի թղթերի վրա արված հազարավոր նկարներ և մոտ հարյուր կտավ։

Արծիվ Լալայանը ցուցահանդեսին ներկայացրել է 2020-ից հետո արված նկարներ, ինչպես նաև նոր գործեր, որոնք արվել են Արցախից տեղահանվելուց հետո։

Վարդանանց 16/1 հասցեում բացված Արծիվ Լալայանի գեղանկարների ցուցահանդեսը կշարունակվի 2 շաբաթ։