«Արցախը ապրում Է» դրամաշնորհային մրցույթ

«Լորիկ» մարդասիրական հիմնադրամը հայտարարում է «Արցախը ապրում Է» խորագրով դրամաշնորհային մրցույթ, որի նպատակն է Արցախի մշակույթի, բարբառի, բանահյուսության, ոչ նյութական մշակութային ժառանգության պահպանմանն ուղղված նախագծերին աջակցելը։

Մրցույթին կարող է մասնակցել՝

Ցանկացած անձ, անհատ ստեղծագործող, արվեստագետ, մշակութային գործիչ, բանահավաքներ, հասարակական կազմակերպություններ, մեդիա ներկայացուցիչներ:

Ներկայացվող նախագծերը պետք է ունենան շարունակականության ծրագիր՝ նպատակ ունենալով պահպանել արցախյան համայնքը, մշակույթը, հավաքագրել Արցախի մասին տեղեկատվություն, որն այժմ կորստի առաջ է կանգնած, հանրահռչակել տարածաշրջանին հատուկ մշակույթն ու ավանդույթները։

Մրցույթին մասնակցելու հայտ ներկայացնելու համար պետք է գրել նամակ Lorikhf21@gmail.com հասցեին, որը պարունակի՝

-Դիմողի անուն-ազգանունը, հեռախոսահամարը, էլեկտրոնային փոստի հասցեն:

-Հակիրճ ինքնակենսագրություն

-Նախագծի հստակ և մանրամասն ծրագիրը

-Ծրագրի իրականացման համար անհրաժեշտ գումարի չափը

-Եթե արդեն իսկ կան աշխատանքներ՝ օրինակներ այդ աշխատանքներից կամ սպասվելիք նախագծերը և դրանց իրականացման ժամկետները։

Դիմումի ժամկետը լրանում է ս.թ. դեկտեմպեր 31-ին: