Արցախցի Արսեն Բաղրյանին շնորհվել է ՀՀ սպորտի վարպետի կոչում

Արցախցի Արսեն Բաղրյանին շնորհվել է Հայաստանի Հանրապետության սպորտի վարպետի կոչում:

Արսեն Բաղրյանն Ուշուի միջազգային ֆեդերացիայի (IWUF) վարկածով օրերս ճանաչվել էր 2025 թվականի լավագույն ուշուիստ՝ սանդա մրցաձևում:

Մարզիկը երիտասարդների աշխարհի առաջնության չեմպիոն է, մեծահասակների աշխարհի առաջնության կրկնակի բրոնզե մեդալակիր և Եվրոպայի չեմպիոն։

Առաջիկայում Բաղրյանը կմասնակցի Չինաստանում կայանալիք սանդայի աշխարհի գավաթի խաղարկությանը։