ԱՀ բյուջեի հաշվին առողջարանային բուժում և հանգստյան տների ուղեգրում

ԱՀ Աշխատանքի, սոցիալական և միգրացիայի հարցերի նախարարությունը մեկնարկել է ԱՀ պետբյուջեի միջոցների հաշվին քաղաքացիներին առողջարանային բուժման և հանգստյան տների ուղեգրման ծրագիր և հերթագրվելու հայտեր է ընդունում:

Քաղաքացիները կարող են դիմել ԱՀ աշխատանքի, սոցիալական և միգրացիայի հարցերի նախարարության միասնական սոցիալական ծառայության բաժիններ՝ ըստ իրենց հաշվառման վայրի:

Տեղահանված բնակիչները կարող են դիմել ՄՍԾ ցանկացած բաժին:

Ուղեգրերը հատկացվում են`

1-ին, 2-րդ և 3-րդ խմբերի հաշմանդամներին, ինչպես նաև հաշմանդամ երեխաներին,

զոհված զինծառայողների ընտանիքների անդամներին,

Հայրենական մեծ պատերազմի մասնակիցներին և նրանց հավասարեցված անձանց,

Հայրենական մեծ պատերազմում զոհվածների և նրանց հավասարեցված անձանց ընտանիքների անդամներին,

Չեռնոբիլի ատոմային էլեկտրակայանի վթարի վերացման աշխատանքների ժամանակ ճառագայթային հիվանդություններ ստացած անձանց,

բռնադատվածներին,

հերոսներին և շքանշանակիրներին,

միայնակ քաղաքացիներին:

Առաջնահերթությունը տրվելու է 2020թ. պատերազմական գործողությունների հետևանքով տուժած անձանց և նրանց ընտանիքների անդամներին:

Սակայն ԱՀ ԱՍՄՀ նախարարության տարածած ֆեյսբուքյան հայտարարության մեկնաբանությունների բաժնում քաղաքացիները դժգոհությամբ են ընդունել պետբյուջեի միջոցների հաշվին նման ծրագրի իրականացումը, երբ տեղահանված հազարավոր քաղաքացիներ ունեն բնակարանային և սոցիալական լուրջ խնդիրներ, որոնք առ այսօր լուծված չեն:

Ստորև ներկայացնում ենք քաղաքացիների մեկնաբանությունները.