ԱՀ ԱԱԾ-ի բասկետբոլի հավաքականը հաղթող է ճանաչվել բասկետբոլի առաջնությունում

Ստեփանակերտի քաղաքային համայնքի կողմից աշխատանքային կոլեկտիվների միջեւ կազմակերպված բասկետբոլի մրցաշարերում մրցել են Ստեփանակերտի քաղաքային համայնքի, ԱՀ էկոնոմիկայի նախարարության, ԱՀ ոստիկանության եւ ԱՀ ազգային անվտանգության ծառայությունների տղամարդկանց հավաքական թիմերը։

Այսօր՝ դեկտեմբերի 13-ին, եզրափակիչ փուլում հանդիպել են ԱՀ էկոնոմիկայի նախարարության եւ ԱՀ ազգային անվտանգության ծառայության հավաքականները։

Մրցապայքարում ԱՀ ազգային անվտանգության ծառայության հավաքական թիմը գրավել է 1-ին պատվավոր տեղը եւ արժանացել հաղթողի գավաթի։