Ադրբեջանցիները քարերով հարվածել են հայկական պետհամարանիշներով մեքենաներին
Ադրբեջանցիները Ստեփանակերտ-Կարմիր Շուկա հատվածում քարերով հարվածել են հայկական պետհամարանիշներով մեքենաներին: Այս մասին գրում է ֆեյսբուքյան օգտատեր Մհեր Հարությույանը՝ հրապարակելով վնասված մեքենայի լուսանկարները:
«Այսօր 13։30-ի սահմաններում Ստեփանակերտ-Կարմիր Շուկա ճանապարհին՝ Սզնեք գյուղ տանող խաչմերուկի մոտ, Խաղաղապահ ուժերի ուղեկցությամբ ընթացող ադրբեջանական ավտոշարասյան թափքից սկսել են քարերով հարվածել հայկական մեքենաներին։
Առաջին մեքենային չեն դիպել (թեև վարորդը քիչ է մնացել վթարի ենթարկվի), իսկ երկրորդ մեքենային դիպել են»,- գրել է Մհեր Հարությունյանը։