Տող գյուղում հինգերորդ անգամ կազմակերպվել է Արցախյան գինու փառատոն
ԱՀ մշակույթի, երիտասարդության հարցերի եւ զբոսաշրջության նախարարության նախաձեռնությամբ այսօր՝ սեպտեմբերի 15-ին Հադրութի շրջանի Տող գյուղի Մելիքական ապարանքում տեղի է ունեցել Արցախյան գինու hինգերորդ փառատոնը։
Փառատոնին մասնակցել են 49 գինեգործական ընկերություններ եւ անհատ գինեգործներ Արցախից ու Հայաստանից, ովքեր ներկայացրել են իրենց արտադրանքը:
Արցախյան վարպետները եւս հնարավորություն ունեցան ներկայացնելու իրենց կողմից պատրաստված հուշանվերները, զարդերի, ձեռքի աշխատանքները։ Ընդհանուր առմամաբ փառատոնին ներկայացվել է շուրջ 100 տաղավար։
Փառատոնի շրջանակներում ցուցադրվել են ազգային խոհանոցի ուտեստներ եւ հայկական գինեգործության հին ծիսակատարությունը։
Լուսանկարները՝ Լուսինե Թեւոսյանի