Երիտասարդական ծրագրերի մրցույթ

ԱՀ ռազմահայրենասիրության, երիտասարդության, սպորտի և զբոսաշրջության նախարարությունը, կարևորելով պետական երիտասարդական քաղաքականության հայեցակարգում ամրագրված դրույթները, հայտարարում է երիտասարդական ծրագրերի մրցույթ հետևյալ ուղղություններով.

• երիտասարդության համար ոչ ֆորմալ կրթական ծրագրերի իրականացում,

• երիտասարդների զբաղվածության խնդիրներ /երիտասարդության շրջանում ձեռնարկատիրական գործունեության խթանման միջոցառումների անցկացում/,

• ժողովրդագրական իրավիճակի բարելավում, հասարակության մեջ ընտանիքի ինստիտուտի ամրապնդում,

• հոգևոր-մշակութային, ռազմական,հայրենասիրական դաստիարակություն,

• երիտասարդության խոցելի խմբերի ինտեգրում հասարակությանը,

• երիտասարդների ժամանցի կազմակերպում, հատկապես՝ շրջաններում և գյուղական վայրերում,

• կամավորական շարժման զարգացում,

• պետական ծրագրերի և միջոցառումների վերաբերյալ երիտասարդության տեղեկացվածության բարձրացում,

• Սփյուռքի հետ երիտասարդական համագործակցության զարգացում:

Մրցույթին կարող են մասնակցել երիտասարդական կամ երիտասարդության ոլորտում գործունեություն ծավալող իրավաբանական անձինք: Առաջնահերթություն կտրվի շրջանային ծրագրերին: Հորդորում ենք խստորեն հաշվի առնել և պահպանել COVID-19 համավարակի տարածման կանխարգելմանն ուղված ԱՀ պարետի բոլոր հրահանգները:

Մրցույթի նպատակն է աջակցել երիտասարդական հասարակական նախաձեռնություններին, ծրագրերին և միջոցառումներին:

Ծրագրերի հայտերն ընդունվում են մինչև ս.թ. օգոստոսի 18-ը ներառյալ: Հայտերի ներկայացման և լրացուցիչ տեղեկությունների համար դիմել ԱՀ ռազմահայրենասիրության, երիտասարդության, սպորտի և զբոսաշրջության նախարարության աշխատակազմի երիտասարդության վարչություն՝ ք. Շուշի, Հախումյան 28 հասցեով կամ զանգահարել /047/ 73 20 73, /047/ 73 40 73 հեռախոսահամարներով:

Էլ. հասցե՝ eritvarchutyun@gmail.com:

ԱՀ ռազմահայրենասիրության, երիտասարդության, սպորտի և տուրիզմի նախարարություն