2019 թվականի մեր լավագույն մարզիկները
Արթուր Առուշանյան
Աշխարհի եռակի չեմպիոն
Օյամա կիոկուշին կարատե դո
Մեծահասակների աշխարհի առաջնություն (KWU)-ոսկե մեդալ, մեծահասակների Եվրոպայի առաջնություն (KWF)- ոսկե մեդալ
Մարզիչ՝ Արմեն Պետրոսյան (սեւ գոտի I դան)
Ծնվել է 1993թ. դեկտեմբերի 16-ին ՌԴ Սանկտ Պետերբուրգում: Վեց տարեկան հասակում ընտանիքի հետ տեղափոխվել է Արցախի Հանրապետություն: Սովորել է Ստեփանակերտի ռուսական դպրոցում, այնուհետեւ՝ ֆիզմաթ դպրոցում: 2010-ից սովորել է Երեւանի ֆիզիկական կուլտուրայի պետական ինստիտուտում: 2011-2013թթ. ծառայել է ՀՀ զինված ուժերում:
Դավիթ Գրիգորյան
Սամբո
Եվրոպական խաղեր-արծաթե մեդալ, մեծահասակների աշխարհի առաջնություն-բրոնզե մեդալ, Եվրոպայի գավաթի խաղարկություն—բրոնզե մեդալ
Մարզիչ՝ Էռնեստ Միրզոյան (ՀՀ եւ ԱՀ վաստակավոր մարզիչ)
Ծնվել է 1990 թ. դեկտեմբերի 7-ին Ստեփանակերտ քաղաքում: 1997-2007թթ. սովորել է Ստեփանակերտի Աշոտ Ղուլյանի անվան թիվ 2 միջնակարգ դպրոցում: 2008-2010 թթ. ծառայել է ՊԲ շարքերում: 2007թ. ընդունվել եւ 2013թ ավարտել է ԳՆՀ իրավագիտություն բաժինը, այնուհետեւ՝ երկրորդ մասնագիտությունը ստացել Սլովակիայի Պրեշովի ազգային համալսարանում՝ ավարտելով Սպորտ եւ առողջություն բաժինը։ Այժմ բնակվում է Ստեփանակերտում:
Աշխատում է որպես սամբոյի մարզիչ:
Արսեն Բաղրյան
Ուշու
Մեծահասակների աշխարհի առաջնություն-բրոնզե մեդալ
Մարզիչ՝ Դավիթ Գրիգորյան (միջազգային կարգի սպորտի վարպետ, ԱՀ վաստակավոր մարզիչ)
Ծնվել է 2001թ. սեպտեմբերի 9-ին, Ստեփանակերտում։ Սովորել է Խ.Աբովյանի անվան թիվ 1, այնուհետեւ՝ Վ. Ջհանգիրյանի անվան թիվ 11 ավագ դպրոցում:
2019թ. սովորում է Մ. Մաշտոցի անվան համալսարանի իրավագիտության ֆակուլտետում։ 2008 թ. զբաղվում է սանդա ուշու մարզաձեւով։
Տիգրան Գեւորգյան
Ավանդական կարատե
Մեծահասակների Եվրոպայի 34-րդ առաջնություն—ոսկե մեդալ, մեծահասակների Եվրոպայի 34-րդ առաջնություն—բրոնզե մեդալ
Մարզիչ՝ Արամ Գեւորգյան (սեւ գոտի IV դան)
Ծնվել է 1992թ հոկտեմբերի 21-ին, Ստեփանակերտում:
Սովորել է Ստեփանակերտի Եղիշե Չարենցի անվան թիվ 7 դպրոցում:
3 տարեկանից զբաղվում է այս մարզաձեւով: «Գրիգոր Նարեկացի» համալսարանի ֆիզկուլտուրա բաժնի 2-րդ կուրսի ուսանող է: Աշխատում է Ասկերանի ՄՊՄԴ-ում՝ որպես կարատեի մարզիչ: Արցախի ավանդական կարատեդոյի ֆեդերացիայի մարզիչ է:
Կարգախոսը՝ «Ինքնաճանաչում, ինքնազարգացում»:
Ամուսնացած է, ունի դուստր:
Մանվել Գասպարյան
Ուժային եռամարտ
Ուժային եռամարտի Եվրոպայի գավաթի խաղարկություն—ոսկե մեդալ, սեղմում պառկած դրությունից Եվրոպայի գավաթի խաղարկություն—ոսկե մեդալ
Մարզիչ՝ Արկադյա Զաքարյան (ՀՀ սպորտի վարպետ)
Ծնվել է 1978թ. հուլիսի 21-ին: 1984-1994թթ. սովորել է Խնապատի միջնակարգ դպրոցում: Ամուսնացած է, ունի 2 երեխա:
Արմինե Աղաբեկյան
Ավանդական կարատե
Մեծահասակների ավանդական կարատեի Եվրոպայի 34-րդ առաջնություն-արծաթե մեդալ
Մարզիչ՝ Անդրեյ Պետրոսյան (սեւ գոտի II դան)
Ծնվել է 1994թ. ապրիլի 15-ին, ՌԴ-ում: 8 տարեկանից մարզվում է կարատեով:
Նիկոլայ Մուսայելյան
Քիքբոքսինգ
Աշխարհի գավաթի խաղարկություն-բրոնզե մեդալ
Մարզիչ՝ Արմեն Ղահրամանյան (միջազգային կարգի մրցավար)
Ծնվել է 1988թ. ք.Ստեփանակերտում: 1995-2005թթ. սովորել է Ստեփանակերտի Հ. Բալասանյանի անվան թիվ 5 դպրոցում: 2005-2012թթ. սովորել է ԱրՊՀ ՆԶՊ և ֆիզկուլտուրա բաժնում: 2006-2008թթ. ծառայել է ՊԲ շարքերում: Սպորտով զբաղվում է 15 տարի: Ամուսնացած է, ունի 2 երեխա:
Իրա Դանիելյան
Բասկետբոլ
Մինչեւ 18 տարեկան աղջիկների C դիվիզիոնի Եվրոպայի առաջնություն—ոսկե մեդալ
Մարզիչ՝ Գեւորգ Շահնազարյան
Ծնվել է 2002թ. մարտի 26-ին Ասկերանի շրջանի Խաչմաչ գյուղում։ 2007թ. սովորել է Ե. Չարենի անվան թիվ 7, այնուհետեւ՝ Վ. Ջհանգիրյանի անվան թիվ 11 ավագ դպրոցում։ 10 տարեկանից զբաղվում է բասկետբոլով: Սպորտի հետ միաժամանակ ուսումնասիրում է օտար լեզուներ եւ պատրաստվում է ընդունվել ԱրՊՀ-ի օտար լեզուների բաժին։
Նյութը պատրաստել է Հասմիկ Հակոբյանը