Պետական բյուջեի նախագծում ներառված են մի շարք մարզադաշտերի պահպանման համար նախատեսված ծախսերը

2020թ. պետական բյուջեի նախագծում ներառված են Մարտունու, Մարտակերտի և Ասկերանի մարզադաշտերի աշխատողների աշխատավարձերի և մարզադաշտերի պահպանման համար նախատեսված ծախսերը: Այս մասին նոյեմբերի 22-ին կայացած ԱՀ ԱԺ-ին 2020թ. բյուջեի նախագծի ներկայացման ժամանակ նշել է ԱՀ ֆինանսների նախարար Արթուր Հարությունյանը՝ պատասխանելով պատգամավոր Ալյոշա Գաբրիելյանի հարցին:

Ալյոշա Գաբրիելյանը նշել է, որ ընթացիկ տարում մի շարք միջոցառումների, այդ թվում նաև Կոնիֆայի շրջանակներում անցկացվող մարզական միջոցառումների համար մարզադաշտերում ձեռնարկվել են շինարարական, բարեկարգման աշխատանքներ: Վերակառուցված մարզադաշտերը պահպանելու համար անհրաժեշտ էր լրացուցիչ ծախսեր ներառել 2020թ. բյուջեում: Պատգամավորը ժամանակին հնչեցրել էր հարցը, որին ԱՀ կրթության, գիտության և սպորտի նախարարը դրական է արձագանքել: