Արցախի նախագահի պաշտոնակատար Աշոտ Դանիելյանն ընդունել է Շվեյցարիայի Ազգային խորհրդի անդամներ Էրիխ Ֆոնտոբելին եւ Շտեֆան Մյուլլեր-Ալտեմատին
Փետրվարի 4-ին Արցախի ներկայացուցչությունում Արցախի նախագահի պաշտոնակատար Աշոտ Դանիելյանն ընդունել է Շվեյցարիայի Ազգային խորհրդի անդամներ Էրիխ Ֆոնտոբելին և Շտեֆան Մյուլլեր-Ալտեմատին, ինչպես նաև «Միջազգային քրիստոնեական համերաշխություն» (CSI) իրավապաշտպան կազմակերպության նախագահ Ջոն Այբներին։
Պատվիրակությանն ընկերակցում էին նույն կազմակերպության պատասխանատու Ջոել Վելդկամպը և Պետեր Ֆուխսը։
Հանդիպմանը ներկա էին ԱՀ նախագահի պաշտոնակատար, ԱԺ նախագահ Աշոտ Դանիելյանը, ԱՀ ԱԺ փոխնախագահ Գագիկ Բաղունցը, ԱԺ խմբակցությունների ղեկավարները, ԱՀ ՄԻՊ-ը և Արցախի ժողովրդի իրավունքների պաշտպանության հանձնախմբի ներկայացուցիչը։
Հանդիպման ընթացքում քննարկվել են արցախահայության վերադարձի և ինքնորոշման իրավունքի հարցերը։ Կողմերն ընդգծել են, որ Արցախի հարցը փակված չէ և անհրաժեշտ է շարունակել հետևողական ու համակարգված աշխատանք այդ ուղղությամբ։
Հանդիպման սկզբում Աշոտ Դանիելյանը Էրիխ Ֆոնտոբելին պարգևատրել է Արցախի Հանրապետության «Երախտագիտություն» մեդալով, իսկ Շտեֆան Մյուլլեր-Ալտեմատին և Ջոն Այբնին հանձնել է շնորհակալագրեր։