Սպասենք, տեսնենք.համոզված եմ, որ ԱՀ նախագահ Ս. Շահրամանյանը դեռ գաղտնիքներ ունի հայտնելու
Ամեն անգամ լսելով Արցախի Հանրապետության նախագահ Սամվել Շահրամանյանի ելույթը նոր գաղտնիքներ է բացահայտվում: Պարզվել է, որ ադրբեջանցիների հետ հանդիպման ժամանակ պահանջել են լուծարել ԱՀ օրենսդիր մարմինը, բայց նախագահի հավաստմամբ հաջողվել է խուսափել այդ կործանարար պահանջից: Նախագահը որպես հաստատում իր ասածի ներկայացրել է համապատասխան փաստաթուղթը:
Մի կարեւոր հանգամանք եւս, որ վերաբերում է գերի հանձնված ռազմաքաղաքական գործիչներին: Նախագահ Շահրամանյանի հավաստմամբ, որպեսզի Արցախի բնակիչներին թույլ տան ազատորեն լքել իրենց բնակավայրերը պարտադիր պայման է եղել՝ գերի հանձնվեն ռազմաքաղաքական գործիչները, ըստ ներկայացված ցուցակի:
Իմ խորին համոզմամբ ցուցակի համահեղինակն է եղել թուրք նիկոլ փաշինյանը (ԹՆՓ), քանի որ ցուցակից բացակայել են Արցախյան գոյամարտի եւ պատերազմների (մանավանդ առաջին պատերազմի) հերոսները, հրամանատարները եւ պետական որոշ կարկառուն գործիչներ:
Հանրության շրջանում կան մարդիկ, որոնց հետաքրքրում է, թե ինչու Շահրամանյանին չեն գերեվարել: Պատասխանը պարզ է, թեկուզ թուրքը մնում է թուրք, բայց գոնե այս անգամ հասկացել են, որ բանակցողին չեն գերեվարում:
Ի գիտություն գերիներին (ռազմաքաղաքական գործիչներին), դավաճան որակող «մասնագետների»: Գերիները, ավելի ճիշտ՝ պատանդները իմ եւ ձեզ համար կատարել են անձնազոհություն, որ ազատորեն տեղափոխվենք Մայր Հայաստան եւ պայքարենք նաեւ նրանց ազատ արձակման, համախմբման, Արցախի ազատագրման եւ մեր բնօրրանները վերադառնալու համար:
Զարմանալի է, որ Արցախի հայերի մի արկածախնդիր խմբակ, որը փոխանակ ըստ «Փախստականների եւ ապաստանի մասին» ՀՀ օրենքի ԹՆՓ-ին «խնդրեն» կատարի օրենքի պահանջները, պահանջում են որոշ պատանդնեից, ըստ իրենց որակմամբ՝ թալանչիներից, վերցնեն թալանած գումարները եւ բաժանեն արցախցիներին:
Խմբակի անդամներին հիշեցնեմ ԹՆՓ-ի «հատիկ հատիկը», «մանր մանրը»… Մինչեւ հիմա արդյոք նա կարողացել է, յոթ տարիների ընթացքում, Ռոբերտ Քոչարյանից եւ Սերժ Սարգսյանից գոնե 10 դրամ վերցնել:
Համոզված եմ, որ ԱՀ նախագահ Ս. Շահրամանյանը դեռ գաղտնիքներ ունի հայտնելու հայ հասարակությանը:
Աշոտ Սարգսյան