Ապրիլ 2016. առաջին զոհը 12-ամյա Վաղարշակն էր, ով սովորականի պես դպրոց էր գնում, երբ հայտնվեց թշնամու թիրախում
Ինը տարի առաջ` 2016 թվականի ապրիլի 1-ի լույս 2-ի գիշերը Ադրբեջանը լայնածավալ հարձակողական գործողություն սկսեց Արցախի հետ շփման գծի ողջ երկայնքով։
Առաջին զոհը 12-ամյա Վաղարշակ Գրիգորյանն էր, ով սովորականի պես դպրոց էր գնում, երբ հայտնվեց ռմբակոծությունների թիրախում, թշնամին գտնդակոծում էր Մարտունին՝ թիրախավորելով խաղաղ բնակիչներին։
Կատաղի մարտեր էին նաեւ Հադրութի և Մարտակերտի շրջաններում։ Հարձակման ընթացքում ադրբեջանական զինուժը կիրառել է իր զինանոցում առկա ողջ զինատեսակներ, այդ թվում՝ ուղղաթիռներ և անօդաչու թռչող սարքեր։
Պաշտպանության բանակի հրամանատար, նախարար Լևոն Մնացականյանի հրամանատարությամբ, հայկական ուժերը ամուր պաշտպանություն են իրականացրել՝ հետ մղելով հարձակումը և ստիպելով ադրբեջանական զորքերին նահանջել։
Մեծ կորուստներ կրելուց հետո Ադրբեջանը դիմել է Ռուսաստանին՝ միջնորդելով զինադադարի հաստատման հարցում, որը միջնորդվել է ընդամենը չորս օր անց՝ ապրիլի 5-ին։
Հայկական կողմն ունեցել է ավելի քան 100 զոհ, 120 վիրավոր։
Չնայած Ադրբեջանը թաքցնում էր իր զոհերի քանակը, անկախ գնահատականներով նրանց կորուստները կազմում են ավելի քան 1000 զինծառայողներ, ինչպես նաև տասնյակ միլիոնավոր դոլարների ոչնչացված տեխնիկա: Այս պարտությունը հատկապես նվաստացուցիչ էր Ադրբեջանի համար, հատկապես նրա նախկին ագրեսիվ հռետորաբանության լույսի ներքո:
Հավերժ փառք, հայրենիքի պաշտպանության համար իրենց կյանքը նվիրաբերած մեր հերոսներին։