Ազատության հրապարակում տեղի կունենա Արցախցիների իրավունքների պաշտպանության խորհրդի առաջին հանրային քննարկումը

Այսօր՝ մարտի 31-ին, ժամը 19:00-ին, Ազատության հրապարակում տեղի կունենա Արցախցիների իրավունքների պաշտպանության խորհրդի առաջին հանրային քննարկումը՝ բնակարանային ծրագրի վերաբերյալ:

Քննարկման բանախոսը կլինի ոլորտի փորձագետ Արմեն Մանգասարյանը, ով կներկայացնի գործող ծրագրի հիմնախնդիրներն ու հնարավոր լուծումները:

Բանախոսության ավարտին քննարկման բոլոր մասնակիցները հնարավորություն կունենան դիտարկումներով ու հարցերով հանդես գալ՝ ստանալով փորձագիտական կարծիք դրանց վերաբերյալ:

Ամեն օր կազմակերպվելիք նման ձևաչափի քննարկումների նպատակն է արցախցիների իրավունքներին վերաբերող յուրաքանչյուր հարցի վերաբերյալ ապահովել հանրային իրազեկում և ստանալ հանրության լայն շրջանակների կարծիքները:

Միջոցառումը բաց է մասնակցության և լուսաբանման համար: