Կայուն զարգացում Արցախից բռնի տեղահանված անձանց համար. առաջիկա հնարավորություններ
Փետրվարի 25-ին կայացել է <Կայուն զարգացում Արցախից բռնի տեղահանված անձանց համար. առաջիկա հնարավորություններ> խորագրով համաժողովը:
ՀԲԸՄ <Սովորիր և վաստակիր. Արցախ> ծրագրի ղեկավար Հայկուհի Գևորգյանը <Ապառաժ>-ի հետ զրույցում նշել է, որ համաժողովի նպատակն է միևնույն հարթակում երկխոսություն ստեղծել ՀՀ կառավարության, հասարակական կազմակերպությունների, դոնոր կազմակերպությունների և Արցախի ներկայացուցիչների մասնակցությամբ: Համաժողովի ընթացքում քննարկումներ են ծավալվել բռնի տեղահանված անձանց զբաղվածության, բնակապահովման խնդրների շուրջ, որի արդյունքում առաջարկների զեկույց է կազմվելու:
Հայկուհի Գևորգյանի խոսքով՝ համաժողովի ավարտին կազմված առաջարկություների զեկույցն ուղարկվելու է բոլոր պատկան մարմիններին, դոնոր կազմակերպութուններին, որպեսզի հետագա ծրագրերում նկատի ունենան:
Նրա խոսքով՝ <Սովորիր և վաստակիր. Արցախ> ծրագիրը մեկնարկել է 2024 թվականի տարեսկզբից, ավարտվել է 2025 թվականին: Հիմնական խնդիրը զբաղվածության, ուսուցման, վերապատրաստման, հմտությունների զարգացման տեղափոխված բիզնեսներին աջակցությունն էր:
<Տարվա ընթացքում աշխատել ենք 1000-ից ավելի արցախցիների հետ: Ընթացքում նոր մեթոդաբանություն մշակեցինք՝ հաշվի առնելով,որ այնտեղի աշխատաշուկայում տղամարդիկ մեծամասամբ ներգրավված էին պաշտպանության բանակում կամ հիմնական աշխատուժը եղել է պետական համակարգում, մանկավարժներ, տարբեր ոլորտի մասնագետներ, անհրաժեշտ էր իրենց կարիքների գնահատում, որպեսզի Հայաստանի աշխատաշուկայում կարողանանք նրանց աշխատանք առաջարկել>,- ասել է նա:
Ծրագրի ղեկավարի խոսքով՝ դասընթացներն ունեցել են 845 մասնակից, վերջին տվյալներով 320-ը աշխատանք ունի:
Ծրագիրն իրականացվում է HEKS/EPER կազմակերպության կողմից: Այժմ մտածում են կայուն զարգացման հնարավորությունների մասին: