Շվեյցարիայի Խորհրդարանի վերին պալատը եւս ընդունեց արցախահայության վերադարձի շուրջ միջազգային համաժողով հրավիրելու բանաձևը
Շվեյցարիայի Խորհրդարանի վերին պալատի՝ արտաքին հարաբերությունների հանձնաժողովն այսօր ընդունել է արցախահայության վերադարձի շուրջ միջազգային համաժողով հրավիրելու բանաձևը։
Հիշեցնենք, որ ավելի վաղ` նախորդ տարվա դեկտեմբերի 17-ին, Ազգային Խորհրդի ստորին պալատի` արտաքին հարաբերությունների հանձնաժողովը ընդունեց այս բանաձևը։
Դրանից հետո ստորին պալատը կողմ քվեարկեց այդ նախագծին։ Կանտոնների խորհրդի արտաքին հարաբերությունների հանձնաժողովի 6 կողմ, 1 դեմ, 2 ձեռնպահ ձայների հարաբերակցությամբ ընդունված այս բանաձևը անցնելու է արդեն վերջնական փուլ։ Վերջին էտապում կանտոնալ խորհուրդը կքվեարկի։
Դրական արդյունքի դեպքում բանաձևը օրենքի ուժ կստանա եւ դաշնային խորհուրդը (գործադիրը) պարտավորվում է արդեն անկախ իր կամքից եւ դիրքորոշումից զբաղվել համաժողովի կազմակերպմամբ։