Արցախցիների հայրենադարձումը տարածաշրջանում խաղաղության հաստատման նախապայմաններից է
Իրանական «Սահար» հեռուստաընկերության ադրբեջանական ծառայության եթերում«Հայաստան» խմբակցության պատգամավոր Արթուր Խաչատրյանը անդրադարձել է տարածաշրջանում հաղարդակցության ուղիների ապաշրջափակմանը, այսպես կոչված Զանգեզուրի միջանցքին և Կովկասում խաղաղություն հաստատելու հեռանկարներին։
Անդրադառնալով միջանցքին և այն մեղադրանքներին, թե Հայաստանն է նենգադուլի ենթարկում տարածաշրջանում ճանապարհների ապաշրջափակմանը, նա նշել է, որ ավելին քան 30 տարի Ադրբեջանն ու Թուրքիան են շրջափակել Հայաստանը, խաթարելով հաղորդակցությունն ու առևտուրը Հրվ․ Կովկասում։ Տարածաշրջանի բոլոր փակ ճանապարհները, ներառյալ Իջևան – Ղազախ, Գյումրի – Կարս երկաթուղիները պետք է ապաշրջափակվեն միաժամանակ և պահպանելով այն երկրների բացարձակ ինքնիշխանությունը, որտեղով, որ անցնում են ճանապարհները։
Արթուր Խաչատրյանը խիստ բացասական է խոսել Մեղրիով անցնող ճանապարհի և սահմանի վերահսկողությունն ինչ որ անհասկանալի մասնավոր կազմակերպություններին արտապատվիրակումը, քանի որ դրանով Հայաստանը ևս մի զիջում է անում Ադրբեջանին և սահմանափակում է Հայաստանի ինքնիշխանությունը։
Անդրադառնալով նոյեմբերի 9-ին եռակողմ հայտարարությանը, Արթուր Խաչատրյանը նշել է, որ այդ պայմանագիրը կրկին կարող է դառնալ օրակարգային բացառապես արցախցիների հայրենադարձման հարցի համատեքստում։ Արցախցիների հայրենադարձումը տարածաշրջանում խաղաղության հաստատման նախապայմաններից է։