ՀՅԴ ԱԵՄ-ը՝ Արցախում իրավիճակի մասին

Ադրբեջանի կողմից Ստեփանակերտ-Գորիս միջպետական ճանապարհի փակումից ու Արցախը շրջափակելու պահից ի վեր ՀՅԴ Արցախի երիտասարդական միությունը ակտիվ աշխատանքներ է սկսել Արցախում ստեղծված իրավիճակը արտաքին աշխարհին ներկայացնելու ուղղությամբ և հանդես եկել Արցախը ճանաչելու պահանջով՝ համոզված լինելով, որ միայն այդ դեպքում կարելի է սանձել Ադրբեջանին։

Միության այս աշխատանքներին միացել են նաև Սփյուռքի ՀՅԴ Երիտասարդական և ուսանողական կառույցները, որոնք ևս քարոզչական դաշտում շատ ակտիվ աշխատանքներ են տանում՝ միջազգային հանրության ուշադրությունը Արցախում ստեղծված հումանիտար աղետի վրա սևեռելու համար։