Ընդդիմությունը իր պայքարի երկրորդ փուլի արժեւորման հանգամանքի մեջ է. Հակոբ Տեր-Խաչատուրյան
Այսօր «Դիմադրություն» շարժման հանրահավաքին ներկա էր նաեւ ՀՅԴ Բյուրոյի ներկայացուցիչ Հակոբ Տեր-Խաչատուրյանը: Նա հարցազրույց է տվել «Երկիր Մեդիա» հեռուստաընկերությանը:
Լրագրողի այն հարցին, թե արդյոք շարժումը մարել է. ՀՅԴ Բյուրոյի ներկայացուցիչը պատասխանեց.
«Ինչպես հայտարարվեց, ոչինչ չի մարել: Ընդդիմությունը իր պայքարի երկրոդ փուլի արժեւորման հանգամանքի մեջ է, եւ այս ցույցերը, հավաքները, երթերը, որ տեղի են ունենում, շարունակվելու են: Առաջիկա աշնանը նոր թափով պետք է լծվենք աշխատանքի: Մեզ համար դիմադրությունը հիմնված է ազգային գաղափարական հենքի վրա: Սա է ամենակարեւոր արժեքը, որի համար պայքարում ենք մենք որպես Դաշնակցություն աշխարհով մեկ, որովհետեւ հավատում ենք, որ մեր հայրենիքը բացարձակ արժեք է եւ այսպիսի միակողմանի զիջումներով, պատերազմում պարտված այս իշխանությունները չեն կարողանում պաշտպանել հայրենիքի շահերը»,- ասաց նա:
yerkir.am