1992թ․ հունվարի 8-ին Արթուր Մկրտչյանն ընտրվել է ԼՂՀ Գերագույն Խորհրդի նախագահ
31 տարի առաջ` հունվարի 8-ին կայացած ԳԽ անդրանիկ նիստում Արթուր Մկրտչյանն ընտրվեց Լեռնային Ղարաբաղի Հանրապետության Գերագույն Խորհրդի առաջին նախագահ։
Նա ընդամենը 33 տարեկան էր, երբ դարձավ Լեռնային Ղարաբաղի Հանրապետության առաջին օրենսդիր մարմնի առաջին ղեկավարը: Արցախի ազատագրական պայքարի առաջամարտիկներից եւ կազմակերպիչներից էր:
Արթուր Մկրտչյանը երկրորդ հայկական պետությունը ղեկավարել է ընդամենը 97 օր, սակայն նրա անձը, կյանքի ուղին և ճակատագիրն անջնջելի հետք թողեցին հայոց նորագույն պատմության մեջ։