Հայոց ցեղասպանություն. Տարագրության 100 տարի

Հայոց ցեղասպանությունից 100 տարի անց կինոպրոդյուսեր և լուսանկարիչ Դիանա Մարկոսյանը գտել է այդ սարսափելի ողբերգությունը վերապրած մի քանի մարդու, որոնք միասին որոշել են ճանապարհորդություն կատարել դեպի անցյալ: Բրիտանական Channel 4 հեռուստաալիքն իր կայքում անդրադարձել էամերիկահայ լուսանկարիչ Դիանա Մարկոսյանին և Հայոց ցեղասպանության վերապրածների անձնական հուշերն ու պատմությունները ներկայացնող նրա «1915» ֆոտոնախագծին, հայտնում է NEWS.am-ը:

 

Դիանա Մարկոսյանը ծնվել է Մոսկվայում և մեծացել ԱՄՆ-ում: «Իմ կյանքում մեծ մասամբ ես պայքարել եմ իմ հայ ինքնության համար, մասամբ պատմության պատճառով, որը ես ուսումնասիրում էի: Դա այն է, ինչ ես հասկանում էի, բայց երբեք ամբողջովին չէի ընկալում»,- պատմել է նա:

 

Մեկ տարի առաջ, երբ ես այցելեցի Հայաստան, մի կազմակերպության ներկայացուցիներն ինձ խնդրեցին օգնել գտնել Հայոց ցեղասպանությունը վերապրած մարդկանց: Այդպես ես հանդիպեցի Մովսես Հանեշյանին ևԵպրաքսյա Գևորգյանին, որոնք անցյալում են թողել իրենց կյանքի 100 տարիները»,- ասել է կինոպրոդյուսերը:

 

Երբ Դիանան հանդիպել է նրանց, Մովսեսն ու Եպրաքսյան պատմել են իրենց լքված տների մասին հուշերը: Մովսեսը ծնվել է Մուսա լեռան Քեբուսիե գյուղում: Եպրաքսիան ապրում էր Կարս քաղաքի մոտակա գյուղերից մեկում: Նրանք իրենց տները չեն տեսել մեկ դար առաջ դրանք լքելուց ի վեր:

 

«Ես որոշեցի ինչ-որ կերպ վերամիավորել հայրենիքից բաժանված մարդկանց և մեկնեցի Թուրքիա, որպեսզի «նորից անցնեմ» նրանց վերջին հուշերի ճանապարհով: Երբ ես ասացի, որ գնալու եմ նրանց հայրենիք, նրանցից յուրաքանչյուրը ինձ խնդրեց կատարել մի ցանկություն: Մուսալեռցի Մովսեսը պատկերեց իր գյուղի քարտեզը և խնդրեց գտնել այնտեղ իրենց եկեղեցին և իր լուսանկարը թողել դրա փլատակների տակ: