Կատալոնիայում Հայոց ցեղասպանության 100-րդ տարելիցին նվիրված միջոցառում են անցկացրել

Կատալոնիայի հայերի «Արարատ» ասոցիացիան և ազգային փոքրամասնությունների կենտրոնը Հայոց ցեղասպանության 100-րդ տարելիցին նվիրված միջոցառում են կազմակերպել,գրում է News.am-ը:

Ցուցադրվել է 1915 թվականի կոտորածների պատմության մասին փաստագրական ֆիլմ, իսկ երգչուհի Շուշանիկ Հովհաննիսյանը հատվածներ է կատարել հայ մեծ կոմպոզիտոր Կոմիտասի ստեղծագործություններից: Միջոցառման հյուրերը նաև հնարավորություն են ունեցել հայկական խոհանոցի ուտեստներ համտեսել: