Կայացել է ՀՕՄ-ի Արցախի միավորի տարեկան Ընդհանուր Ժողովը
Ապրիլի 9-ին կայացել է Հայ Օգնության Միության Արցախի Մեկուսի Մասնաճյուղի վարչության տարեկան 14-րդ անդամակցական ժողովը: Ժողովին հրավիրված էր ՀՅԴ Արցախի ԿԿ անդամ Կամո Բարսեղյանը, ով բարձր գնահատեց հօմ-ունիների ավանդն ու աջակցությունը համահայկական նշանակություն ունեցող խնդիրների լուծման ուղղությամբ:
Մասնաճյուղի վարչությունը ներկայացրեց գործունեության հաշվետվությունը, որը ընդգրկում է վարչության 14-ամսյա գործունեության տարբեր ոլորտներ:
Կատարված աշխատանքներն ամփոփելուց հետո նախանշվեցին առաջիկա գործունեության հիմնական ուղղությունները:
Վարչությունը նոր անդամներ ընտրվեցին Արմինե Հարությունյանը, Մելանյա Բալայանը, Կարինե Պետրոսյանը և Գայանե Ղուլիյանցը: Վարչության ատենապետուհի ընտրվեց Ռուզաննա Աբրահամյանը: