Լևոն Արոնյանը 4-րդն է ՖԻԴԵ-ի վարկանիշային աղյուսակում

Շախմատի Հայաստանի հավաքականի անդամ Լևոն Արոնյանը բարելավել է դիրքերը ՖԻԴԵ-ի վարկանիշային աղյուսակում:

ՖԻԴԵ-ն հրապարակել է հուլիս ամսվա դասակարգման աղյուսակը, որտեղ Լևոն Արոնյանը 4-րդն է: Նախորդ ամսվա համեմատ Արոնյանը առաջադիմել է 3 հորիզոնականով և այժմ ունի 2809 միավոր:

Վարկանիշային աղյուսակի առաջատարը աշխարհի գործող չեմպիոն Մագնուս Կարլսենն է:

Հայ շախմատիստներից Սերգեյ Մովսիսյանը 67-րդ, Վլադիմիր Հակոբյանը՝ 79-րդ տեղերում են: