Լիբիայի ժամանակավոր կառավարությունը ճանաչեց Հայոց ցեղասպանությունը
ՀԱԼԵՊ, «Գանձասար».- Լիբիական «Այն» կայքը տեղեկացնում է՝ Լիբիայի արեւելյան շրջանի ժամանակավոր կառավարության նախարարների խորհուրդը որդեգրել է միջազգային հարաբերությունների եւ արտաքին գործերի նախարար Աբդուլ Հատի Հուեյճի առաջարկը՝ ընդունել 1915-ին, Օսմանյան կայսրության կողմից գործադրված Հայոց ցեղասպանության պատմական իրողությունը:
Կառավարությունը մամուլի հաղորդագրությամբ հայտնում է, որ ներկայիս Լիբիայի նախարարների խորհրդի օրենսդրական տնօրենությունը աշխատանք է տանում բանաձեւելու որոշում, որի համաձայն, Լիբիայում այսուհետ ամեն տարի ապրիլի 24-ին կոգեկոչվի Հայոց ցեղասպանության զոհերի հիշատակը: