«Թուրքիայից արդար հատուցում պահանջել». հալեպահայությունը Դամասկոսում ՄԱԿ-ի ներկայացուցչին նամակ է հղել
Հայ երիտասարդական միության կազմակերպությամբ` երեկ հալեպահայությունը հավաքվել է Հայ մարմնակրթական ընդհանուր միության այգում՝ իր հավաքական բողոքն արտահայտելով Թուրքիայի բարբարոսությունների դեմ:
Բողոքի հավաքին ներկա են եղել հայ երեք համայնքապետերը, իսլամ կրոնավորներ, Սիրիայի խորհրդարանի անդամներ ու հարյուրավոր երիտասարդներ:
Հալեպահայությունը Դամասկոսում ՄԱԿ-ի ներկայացուցչին հղած նամակում կոչ է արել դատապարտել Թուրքիային և պահանջել Հայոց ցեղասպանության ճանաչում ու արդար հատուցում:
Նամակում նաև ուշադրություն է հրավիրվել փաստին, որ թուրք դահիճը շարունակում է անպատիժ մնալ նաև Սիրիայում, մանավանդ՝ Հալեպում իր բարբարոսությունների համար: Հալեպահայեր կոչ են ուղղել կասեցնել և սանձել Թուրքիայի նորօսմանյան նկրտումները: