Թող Աստված օրհնի ազգանպաստ այս առաքելությունը. Պարգեւ արքեպիսոկոպոս Մարտիրոսյան
Սեպտեմբերի 12-ին ՀՅԴ Արցախի Կենտրոնական կոմիտեն մեկնարկ է տվել առաջիկա նախագահական ընտրություններում ազգային միասնական օրակարգ ձեւավորելու բանակցություններին, որոնց շրջանակում հանդիպում է ունեցել Հայ Առաքելական եկեղեցու Արցախի թեմի առաջնորդ Պարգեւ արքեպիսոկոպոս Մարտիրոսյանի հետ:
ՀՅԴ Արցախի ԿԿ ներկայացուցիչ Դավիթ Իշխանյանը ներկայացրել է միասնական օրակարգ ձեւավորելու անհրաժեշտությունը եւ այդ ուղղությամբ Դաշնակցության դիրքորոշումներն ու մոտեցումները:
Ողջունելով նախաձեռնությունը, Պարգեւ արքեպիսկոպոսն իր մտահոգությունն է հայտնել Արցախում տիրող հանրային մթնոլորտում ձեւավորված բեւեռացումից, որը, Առաջնորդի խոսքով, բերելու է բացասական եւ ծայրաստիճան հետեւանքների:
«Թող Աստված օրհնի ազգանպատ այս առաքելությունը»,- ասել է Պարգեւ արքեպիսոկոպոս Մարտիրոսյանը:
Իր հերթին Դավիթ Իշխանյանը վստահեցրել է, որ ՀՅ Դաշնակցությունը խորապես գիտակցելով ազգային միասնության կարեւորությունը, իր վրա է վերցրել քաղաքական ուժերի հետ բանակցություններ ծավալելու ծանր պատասխանատվությունը, եւ վստահ է, որ այն կպսակվի հաջողությամբ:
Այնուհետեւ քննարկվել են Դաշնակցության կողմից առաջարկված օրակարգի հիմնադրույթները:
