Հայտարարություն

 

Սիրելի հայրենակիցներ,

 

Արցախի անվտանգությունը ՀՅ Դաշնակցության համար գերխնդիր է: Մեր իրականության մեջ վերջին շրջանում տեղ գտած իրադարձություններն առիթ են ստեղծել հակառակորդի աշխուժացմանը թե՛ սահմանային գոտում, եւ թե՛ քարոզչական դաշտում: Մեզ սպառնացող վտանգը օրեցօր առարկայական է դառնում:

 

Ինչպես պատմությունն է ապացուցել թշնամու նկրտումները չեզոքացնելու, բազում զոհողությունների գնով ձեռք բերված հաղթանակը պահպանելու հիմնական միջոցը՝ մեր ներքին միասնությունն է: Անթույլատրելի են բոլոր կարգի պառակտողական և ներքին կյանքում ցնցումներ հրահրող  քայլերը:

 

Միասնականությունը ապահովելու համար անհրաժեշտ է ականջալուր լինել ժողովրդին: Հեղափոխական արդյունավետ քայլերով, կարճ ժամկետում, իրականացնել համակարգային բարեփոխումներ հանուն արդարության, օրենքի գերակայության և պետական կարգի կայունության: Անհանդուրժելի են տատանվողականությամբ իրականացվող անարդյունավետ քայլերը, որոնք այլ բան չեն քան բարեփոխումների նմանակում:

 

Արդարության համար պայքարը պետք է  ծառայի երկրի անվտանգության ապահովմանը:

 

Այս վճռորոշ պահին մեր առջև ծառացած խնդիրները  համախորհուրդ լուծելու և երկիրը անցնցում առաջ տանելու համար բոլորին կոչ ենք անում դրսևորել խոհեմություն և հանդուրժողականություն:

 

ՀՅԴ Արցախի Կենտրոնական կոմիտե

 

07.07.2018