Անհրաժեշտ են կամավորներ
Արցախի Հանրապետության մշակույթի, երիտասարդության հարցերի և զբոսաշրջության նախարարությունը CONIFA-2019 Եվրոպայի ֆուտբոլի առաջնության կազմակերպական աշխատանքներին մասնակցելու հայտարարել է կամավորների հավաքագրման մասին: Հայտարարության մեջ ասվում է.
Շատ շուտով Արցախում տեղի կունենա CONIFA-2019 Եվրոպայի ֆուտբոլի առաջնությունը, որի կազմակերպման համար կամավորների օգնություն է պետք:
Անհրաժեշտ են ակտիվ երիտասարդներ, ովքեր կներգրավվեն կազմակերպչական աշխատանքների բոլոր փուլերում և կաշխատեն նաև հենց առաջնության ժամանակ:
Ցանկալի է.
— օտար լեզուների իմացությունը,
— գերազանց հաղորդակցման հմտություններին տիրապետելը,
— սթրեսադիմացկունությունը,
— կազմակերպչական հմտությունների առկայությունը,
— թիմում աշխատելու ունակությունը,
— պատասխանատվություն ստանձնելու ունակությունը:
Առաջնությունը տեղի կունենա ս.թ. հունիսի 1-9-ը:
Բոլոր կամավորները կստանան մասնակցության հավաստագրեր:
Տեղեկատու հեռախոս /097/ 29-79-72: