ԱՄՆ-ում ապրիլի 24-ին կրակել են հայկական դրոշ ծածանող մեքենայի վրա
Լոս Անջելեսում ապրիլի 24-ին անհայտ անձը կրակ է բացել 19-ամյա Հարի Նալբանդյանի ավտոմեքենայի ուղղությամբ, որի հետևանքով նա թեթևակի վնասվածքներ է ստացել: Ըստ Abc7-ի՝ միջադեպը տեղի է ունեցել Լոս Անջելեսի 14-րդ ավտոմայրուղում:
«Նա մեքենան հավասարեցրեց իմ մեքենային, ապա իջեցրեց պատուհանը, և մենք նայեցինք իրար: Դրանից հետո նա 8 անգամ կրակեց»,-պատմել է Նալբանդյանը:
Նալբանդյանների կարծիքով՝ հարձակման պատճառը եղել է Հայաստանի դրոշը: